Al Piz de Sambrog en il territori da cunfin tranter la Svizra e l’Italia è in alpinist sa disgrazià la sonda suentermezdi. Sco che la Polizia chantunala scriva, saja l’um da 66 onns sa blessà grevamain cura ch’el saja crudà var 100 meters en la profunditad datiers da Grono. Curt suenter saja el mort en l’ospital vi da las consequenzas da sias grevas blessuras. Il Svizzer haja fatg part d’ina gruppa che fetschia e mantegnia sendas da viandar. La gruppa saja stada vi da far ina senda sin la cresta da la muntogna per lung dal cunfin dal pajais. La senda colliescha San Bernardino cun il Tessin.
audio
Per tadlar: las novitads da las 16:00
ord RTR Audio dals 09.10.2022.
laschar ir. Durada: 3 minutas 39 Secundas.