Sin il territori dal Pass dal Omenit è schabegiada ina disgrazia per ina famiglia. Ella ha cumenzà ina tura da skis la dumengia davent dal San Bernardino. Curt avant avair cuntanschì il pass sin 2651 meters sur mar ha ina lavina tratg suenter il bab da famiglia e ses figl. Il figl è stà bun da sa liberar, il bab e mort en il curs da dumengia suentermezdi, suenter che la Rega ha transportà el a l'ospital d'universitad da Turitg. Uschia rapportà la Polizia chantunala sin la pagina d'internet.
La lavina ha tratg cun sai il bab ed il figl per 150 meters. Il bab è vegnì cuvert dal tut da la lavina. Cun in detectur da victimas da lavinas han ins chattà el, dentant betg pudì chavar or el immediatamain, scriva la Polizia chantunala.
La Polizia chantunala e la Procura statala grischuna han prendì si las inquisiziuns, sco ch'i è vegnì tar la disgrazia.
