Val Stussavgia - La via da Sculms vegn schlargiada e sanada

La regenza dal Grischun ha approvà il project da correcziun per la via da Sculms en Val Stussavgia. Quella maina sco unica colliaziun da via si a Sculms. En il rom dal project duai il traject da via da Fapiogn fin al sectur Sigl Ault tar il spartavias Scardanal vegnir adattà a las pretensiuns dad ozendi. Tranter auter vegn la via schlargiada sin 4,2 meters e la surstructura e la cuvrida da la via vegnan renovadas. Tut en tut custa il project circa 4,8 milliuns francs.