In uffant è mort la mesemna d'in accident da traffic a Lostallo. In automobilist tudestg charrava sin l'autostrada A13 en direcziun Mesauc, cura ch'el è vegnì giud via.
En la vischinanza da Lostallo è in automobilist tudestg vegnì giud via sin l'autostrada A13. Ses è sa tschentà sin il tetg ed ha piglià fieu. Duas persunas ch'han observà l'accident han pudì deliberar in uffant e l'automobilist ord l'auto. In segund uffant è vegnì serrà en l'auto demolì dal tut ed è mort anc en il lieu d'accident.
Il manischunz e l'auter uffant èn vegnids blessads mo levamain.