A partir da las otg la damaun èn parts da la vischnanca da Bondo puspè abitabels. Per tut ils abitants da la zona verda è quest di in grond pass envers la normalitad.
1 / 16
Legenda:
Er las autoritads grischunas èn arrivadas a Bondo.
RTR, Ulrica Morell
2 / 16
Legenda:
La plazza cumin a Bondo è s'emplenida.
RTR, Ulrica Morell
3 / 16
Legenda:
Era maruns brassads datti da la festa da return a Bodno.
RTR, Ulrica Morell
4 / 16
Legenda:
Bainvegni a l'apero da Bondo.
RTR, Ulrica Morell
5 / 16
Legenda:
Bainvegni a Bondo.
RTR, Ulrica Morell
6 / 16
Legenda:
Plaunet s'emplaina la plazza cumin cun las emprimas persunas per l'apero.
RTR, Ulrica Morell
7 / 16
Legenda:
Il sulegl è arrivà a Bondo e cun el era las emprimas persunas a l'apero da bainvegni.
RTR, Ulrica Morell
8 / 16
Legenda:
La fontauna enturn la plazza è vegnida decorada per il return da las emprimas persunas a Bondo.
RTR, Ulrica Morell
9 / 16
Legenda:
Dad engraziar èsi era a las persunas che han lavurà di e notg per liberar il batschigl dal material da bova.
RTR, Ulrica Morell
10 / 16
Legenda:
Las preparativas per l'apero a Bondo marschan.
RTR, Ulrica Morell
11 / 16
Legenda:
In zichel vita en vischnanca: En l'ustaria da Donato Salis sa scuntra la glieud puspè.
RTR, Ulrica Morell
12 / 16
Legenda:
Bondo sa prepara per ina festa.
RTR, Ulrica Morell
13 / 16
Legenda:
La zona cotschna è datiers.
RTR, Ulrica Morell
14 / 16
Legenda:
En il center da Bondo è quai finì da passar tras las giassas.
RTR, Ulrica Morell
15 / 16
Legenda:
Bondo sin via a la normalitad.
RTR, Ulrica Morell
16 / 16
Legenda:
Via libra per Bondo.
RTR, Ulrica Morell
audio
Bunura: Abitants da la zona verda a Bondo pon turnar a chasa
00:47 min, ord Actualitad dals 14.10.2017.
laschar ir. Durada: 47 Secundas.
Dapi ils 23 d'avust, pia gia 52 dis, è la vischnanca da Bondo evacuada. Suenter tut las bovas che han successivamain devastà differentas parts da la vischnanca e conturns han ils abitants da Bondo, Sottoponte e Spino mo pli pudì entrar lur chasas durant curts muments. Tut tenor zona e situaziun da privel pli ditg u pli curt. Ussa cun ina colliaziun segira en vischnanca, ina che na maina betg pli tras la zona cotschna, pon ils abitants da la zona verda puspè turnar enavos en lur chasas. Per ils ins in di ventiraivel, percunter per ils auters haja num anc adina avair pazienza.
00:23
video
Bainvegni a Bondo
Or da RTR dals 14.10.2017.
laschar ir. Durada: 23 Secundas.
Zonas pli privlusas restan evacuadas
Las zonas pli privlusas, vul dir la zona oranscha, cotschna e blaua restan numnadamain anc adina evacuadas e quai fin cura ch’il batschigl da segirezza è vids ed il letg dal flum Maira è svidà uschia enavant ch’i avess avunda plaz per ulteriur material en cas da novas bovas.