Avant quest pass han ins dentant gia realisà plirs projects. Uschia per exempel ina colliaziun da tact tranter Milaun e Tiraun, in servetsch cun l’auto da posta da San Murezzan a Chiavenna u era in bus che circulescha tranter Tiraun e Livigno. Grazia a questa purschida vulan ins reducir il traffic da transit tras la Valposchiavo.
Realisà en in aut tempo
Sco quai ch’il cusseglier guvernativ Mario Cavielli ha suttastritgà hajan ins pudì realisar plirs projects fitg svelt e quai senza avair suttascrit in palpiri. Ussa, suenter ch’ils represchentants han firmà l’intent, vulan ins cuntinuar ed intensivar la collavuraziun existenta tranter la Svizra e l’Italia. Quai en plirs secturs, ma en emprima lingia areguard il traffic public inclusiv sia cumponenta turistica.
-
Bild 1 von 5. In act simbolic che suttastritga projects ch'ins ha gia lantschà. Bildquelle: RTR, Anna Caprez.
-
Bild 2 von 5. I vul pliras suttascripziuns per la cunvegna tranter la Svizra e l'Italia. Bildquelle: RTR, Anna Caprez.
-
Bild 3 von 5. Ina firma da grond'impurtanza. Bildquelle: RTR, Anna Caprez.
-
Bild 4 von 5. Il cusseglier guvernativ Mario Cavigelli è cuntent cun ils emprims resultats da la collavuraziun sur cunfin. Bildquelle: RTR, Anna Caprez .
-
Bild 5 von 5. Guardar sur ils cunfins ed intensivar la collavuraziun tranter il Grischun e parts da l'Italia grazia al project communabel Intesa. Bildquelle: Keystone.
RR novitads 12:00