Legenda:
Il pli chaud lieu en il Grischun, Grono.
Keystone
cuntegn
Valladas talianas - Grono: Il lieu il pli chaud en il Grischun
La stad sa mussa da sia pli bella e chauda vart. Entant ch'igl è bel da pudair giudair temperaturas autas èsi per intgins tuttina memia chaud, cun temperaturas da 37 grads. Co è quai per ils abitants dal pli chaud lieu dal Grischun, per ils abitants da Grono?
I saja stad e lura stoppian ins era quintar cun temperaturas pli autas, di in lavurer. Ed il possessur da la mazlaria agiunta ch'els stettian endadens durant il di e sch'i saja propi memia chaud, giaian els en il flum.
In osp d'ina ustaria agiunta ch'ì saja dapertut chaud. Avant 10 onns saja vegnì mesirà a Grono la temperatura da record da 41.5 grads, quai saja temperaturas memia autas.
