Valladas talianas - In lev blessà tar accident entras surpassar
Sonda suentermezdi hai dà ina collisiun tranter 2 autos sin l'autostrada sper Mesocco. In um è vegnì blessà levamain, ha communitgà la Polizia chantunala grischuna.
In Talian da 54 onns è charrà en direcziun Bellinzona cura ch'el ha surpassà ina colonna da 4 autos ed in car. Cura ch'el ha vulì turnar sin sia vart gist davos il car, ha ses auto cumenzà a glischnar sin la via cuverta da naiv. Uschia è l'auto collidà cun in auto che vegniva encunter. Ils 2 autos èn donnegiads dal tut.
