Radund 4 milliuns meters cubic material avevan sa distatgads dal Monte Conto durant il temp da tschaina. La bova n’ha betg be sepulì la citad bainstanta da Piuro, mabain er custà la vita da bunamain tut ils 1’000 abitants.
Piuro – il paese che non c’è
Oz exista Piuro be anc en furma dal num Comune di Piuro, cun las fracziuns da Prosto, Borgonuovo e Santa Croce. Quellas èn situadas da la vart dretga dal flum Mera, damai da tschella vart da l’anteriura citad renumnada. A maun da regurdientschas dals paucs ch'han survivì la tragedia, aveva la famiglia bainstanta Vertemate laschà picturar in maletg da la citad.
-
Bild 1 von 11. Gianni Lisignoli è il schef da las exchavaziuns. Bildquelle: RTR, Anna Caprez .
-
Bild 2 von 11. L'inscripziun dal nov zain a Borgonuovo. Bildquelle: RTR, Anna Caprez .
-
Bild 3 von 11. Il transport dal zain prezius per ils abitants dal Comune di Piuro. Bildquelle: RTR, Anna Caprez .
-
Bild 4 von 11. Il clutger da Borgonuovo è in dils unics che ha survivì la tragedia dal 1618. Bildquelle: RTR, Anna Caprez.
-
Bild 5 von 11. In da las attracziuns da Piuro: las cascadas da Belvedere. Bildquelle: RTR, Anna Caprez.
-
Bild 6 von 11. Gianni Lisignoli ed Omar Iacomella. Bildquelle: RTR, Anna Caprez .
-
Bild 7 von 11. Omar Iacomella e «ses» nov zain. Bildquelle: RTR, Anna Caprez.
-
Bild 8 von 11. Piuro dal 1618. Bildquelle: RTR, Anna Caprez.
-
Bild 9 von 11. Piuro - Borgonuovo dal 1990. Bildquelle: RTR, Anna Caprez.
-
Bild 10 von 11. Ina da passa 70 visualisaziuns da Piuro avant il 1618 e suenter. Bildquelle: RTR, Anna Caprez.
-
Bild 11 von 11. Documentaziun ord il Museo di Piuro. Bildquelle: RTR, Anna Caprez.
Adina dapli infurmaziuns
Dapi ch’ins ha cumenzà il 1966 cun emprimas exchavaziuns dal uschenumnà «Pompei da las Alps» han ins er pudì reconstruir en furma da 3D in maletg magari detaglià da Piuro avant 400 onns. Per il president da l’Associaziun Scavi, Gianni Lisignoli, è la lavur archeologica da grond’impurtanza per savair dapli da la citad entamez l’Europa. Visibel anc oz da quella èn:
- Palazzo Vertemate (il sulet ch'è restà da set!)
- Il clutger a Borgonuovo (uss cun nov zain)
- Parts dal Palazzo Belfort (exchavaziuns actualas)
In toc identitad manca
Per il president communal dal Comune di Piuro, Omar Iacomella, è la bova dal 1618 daventada in part da la vita dals abitants giusum la Val Bregaglia. Tras la tragedia avant 400 onns saja er ì a perder ina part da lur identitad.
En occasiun da las festivitads «400 onns bova da Piuro» han ils Talians er inaugurà in nov zain per il clutger da Borgonuovo ed laschà benedir els dals uvestgs preschents. Il nov zain duess regurdar mintgadi a las persunas ch'han pers lur vita ils 4 da settember 1618.
RR actualitad / TR Telesguard