La Punt Marlun è l’emprima colliaziun en Val Bondasca. Dapi las bovas destructivas da l'avust 2017 è la Val Bondasca zona serrada. La fin da matg, suenter in temp da planisaziun da var dus onns e mez, han ins cumenzà cun las lavurs per ina nova punt. Durant quest’emna vegn quella punt da lain montada dals maranguns.
La punt è concepida per camiuns, vul dir, ella è 4 meters largia, circa 30 meters lunga e porta passa 40 tonnas. La colliaziun en Val Bondasca è impurtanta per la vischnanca Bregaglia – cun quella pon els refar la tschiffada d’aua da baiver, far lavurs forestalas e pli tard era construir – dador la zona da privel – la senda vers la chamona dal CAS Sciora.
Era sche la Punt Marlun è ussa puspè l’emprima colliaziun en Val Bondasca – quella punt n'è betg per viandants. Ella è per entant mo per far las lavurs necessarias.
-
Bild 1 von 6. L'emprima punt Marlun è vegnida construida l'onn 1939. Quest maletg mussa la punt l'onn 1943. Bildquelle: Marcello Negrini.
-
Bild 2 von 6. La Punt Marlun l'onn 2007. Bildquelle: Marcello Negrini.
-
Bild 3 von 6. Ils 31 d'avust 2017 è la punt vegnida stratga davent dal tut. Bildquelle: Marcello Crüzer.
-
Bild 4 von 6. Ils 31 d'avust 2017 è la punt vegnida destruida cumplettamain. Bildquelle: Marcello Crüzer.
-
Bild 5 von 6. Il transport dals elements en Val Bondasca è stada ina sfida. 16 meters lunghezza e 4 tonnas. Bildquelle: RTR, Ulrica Morell.
-
Bild 6 von 6. Las installaziuns da lain vegnan fatgas durant quest'emna. Bildquelle: RTR, Ulrica Morell.