Legenda:
La gasetta online «ilmoesano» duai vegnir sustegnida dal chantun.
RTR
cuntegn
Valladas talianas - Medias talianas duajan vegnir sustegnidas dal chantun
Suenter ils Rumantschs lessan ussa era ils Grischuns talians sustegn dal chantun per lur medias. Il deputà da San Vittore Manuel Atanes ha inoltrà ina dumonda, ha el confermà a Radiotelevisiun Svizra Rumantscha.
El vul savair tge pussaivladads che la regenza vesa per sustegnair finanzialmain las medias dal Grischun talian. La gasetta “La Voce del San Bernardino” saja periclitada sch’ins na chattia betg ina schliaziun aifer in onn ed era las gasettas online «ilmoesano» e «labregaglia» sajan en privel – argumentescha il deputà socialdemocratic.
Sia dumonda va en la medema direcziun sco la dumonda dal deputà Aurelio Casanova - che pretenda sustegn per la gasetta «La Quotidiana».
