Valladas talianas - Plazzal da fabrica entamez Chiavenna
La festa da chant chantunala «Rezia cantat» ha lieu en trais emnas «extra muros» a Chiavenna. La citad sa prepara per quest eveniment extraordinari e vul sa mussar da sia meglra vart. In pitschen sbagl da bellezza vegn la citad però ad avair - il Parco Pratogiano è actualmain in plazzal.
Igl è ina premiera – la festa da chant chantunala ha lieu quest onn per l'emprima giada «extra muros» a Chiavenna. La citad da 7'000 abitantas ed abitants sa prepara per la festa speziala. Ils responsabels spetgan 118 chors, vul dir var 3'500 chantaduras e chantadurs.
audio
Il Parco Pratogiano vegn renaturalisà
03:05 min, ord Actualitad dals 17.05.2018.
laschar ir. Durada: 3 minutas 5 Secundas.
Chiavenna cun grond flair talian
Sper il chant vegn ad esser il star da cumpagnia ina part impurtanta – flanar tras las giassas e sa recrear en in bel lieu. In parc vegn però ad esser serrà per ils visitaders, il Parco Pratogiano.
1 / 11
Legenda:
Ina visualisaziun dal Parco Pratogiano a partir da l'avust 2018.
mad
2 / 11
Legenda:
Fin uss eran las vias en il parc cuvridas cun catram.
mad
3 / 11
Legenda:
Il Parco Pratogiano purscheva plirs lieus per star a sumbriva.
mad
4 / 11
Legenda:
L'entrada dal center istoric da Chiavenna.
RTR, Anna Caprez
5 / 11
Legenda:
L'areal Parco Pratogiano avant il process da renaturalisaziun.
mad
6 / 11
Legenda:
La via per ils peduns n'exista per il mument betg.
RTR, Anna Caprez
7 / 11
Legenda:
Il parc consista per il mument da maschinas, crappa e sablun.
RTR, Anna Caprez
8 / 11
Legenda:
Da l'avrigl fin l'avust vegn realisà in nov parc.
RTR, Anna Caprez
9 / 11
Legenda:
L'areal da 1'400 meters quadrats vegn renaturalisà a Chiavenna.
RTR, Anna Caprez
10 / 11
Legenda:
En plaina lavur
Las lavurs duran dad avrigl enfin avuost
RTR / U. Morell
11 / 11
Legenda:
In parc verd cun elements natirals duai dar a Chiavenna.
mad
Sanaziun indispensabla
Il Parco Pratogiano è in lieu particular per Chiavenna. Tant pli impurtanta è per ils responsabels la renatiralisaziun dal parc, in project da radund 450'000 francs. Spustar ni era interrumper las lavurs pervi da la festa da chant chantunala dal Grischun, n'era betg pussaivel. Perquai ston las chantaduras ed ils chantadurs viver cun quel plazzal entamez la citad e tschertgar auter lieus cun sumbriva per star patgific.