Suenter ils enguladitschs aveva la polizia chantunala fatg controllas da notg ensemen cun il corp da la guardia da cunfin e las autoritads talianas.
In vischinanza dal cunfin talian hajan ins uss pudì arrestar dus umens da 25 onns, oriundamain da la Romania. Ina ulteriura persuna saja vegnida da scappar a pe. Per la populaziun en la Val Bergiaglia è l’arrestaziun in pitschen surlevtg. Per la presidenta communala dal comune di Bregaglia, Anna Giacometti, è dentant cler che la criminalitad s’augmenta dapertut e na schanegia era betg la val taliana.
RR Actualitad la saira 17:00