L’urs ch’è vegnì observà gievgia en il Puschlav n’è cun gronda probabilitad betg l'urs M25. Sco quai che Hannes Jenny da l'uffizi da chatscha e pestga ha ditg envers RTR haja quest urs d'ina vart in pail pli cler che M25.
Legenda:
Urs vesì gievgia sin il Pass dal Bernina en la Val Puschlav
V. Vecellio
L’urs observà n'haja er nagin emettur enturn culiez ed era naginas marcas vi da las ureglias. I saja pauc probabel che l'urs M25 haja pers gist omaduas chaussas, ha ditg Jenny.
Gievgia avevan persunas privatas e survegliaders da chatscha pudì observar l'urs en il Puschlav. Dapi che M25 aveva bandunà il Grischun il settember passà èsi puspè l'emprim urs en Svizra.
