Siglir tar il cuntegn
Las cabinas da colur rosa fan ina parita moderna
Legenda: Las cabinas èn il cundriz il pli modern da tut l'interpresa RTR, T. Poltera

Valladas talianas Prova generala da stad per il enviern

A San Bernardino èn la pendiculara e la sutgera puspè en servetsch. Quatter onns è tut stà salda. Ussa vegnan rimnadas las experientschas per la stagiun d'enviern.

Ils davos quatter onns èn ils implants turistics da San Bernardino SBIT (San Bernardino Impianti Turistici SA) cun la pendiculara, la sutgera e dus runals stads salda. La famiglia Ghezzi dal Tessin ha tratg il frain per spargnar. Ussa vuless ins puspè empruvar.

La staziun a culm d'ina sutgera fitg veglia
Legenda: La sutgera e vegnida construida la fin dils onns 60 RTR, T. Poltera

Tenor ils possessurs duess il territori esser avert en spezial per freeriders l'enviern 2016/2017. Mo ina pitschna part da las pistas duessan vegnir preparadas. Uschia possia vegnir spargnà.

Ina soluziun per repartir ils custs cun la vischnanca da Mesocco e cun il turissem vegn anc tschertgada.

Artitgels legids il pli savens