Siglir tar il cuntegn
Era sche la maila dals purs dal Puschlav crescha sin terren talian, dastgan els vender quels sco products svizzers.
Legenda: Era sche la maila dals purs dal Puschlav crescha sin terren talian, dastgan els vender quels sco products svizzers. Keystone

Valladas talianas Purs dal Puschlav – prada taliana – products svizzers

La prada na conuscha betg cunfins. En il Puschlav è quai normal ch’ils purs han prada sin territori talian. Per gronda part è la prada gia adina stada en lur possess. En tut en quai enturn 15 purarias che han pradas sur cunfin. Singuls han perfin var 100% da la prada sin territori talian.

Ils products che creschan en Italia, per gronda part fritgs e verdura, vegnan però vendids sco products svizzers. Quai è lubi. Era sch’il mail o il pair crescha sin territori talian sto el vegnir producì tenor il standard svizzer. Per exempel pon ins be squittar ils pesticids ch’èn era permiss qua en Svizra.

Mo ils purs che vivan al cunfin

Impurtant è però da savair, che quai na po betg far mintga pur. Quai pon mo far ils purs che vivan al cunfin, e quai è mo lubì sin in territori definì. Uschè ch’ils purs dal Puschlav han il dretg da vender il mail u il pair che crescha sin prada taliana sco product svizzer uscheditg ch’els sa tegnan vi da las prescripziuns.

Artitgels legids il pli savens