Legenda:
Il cusseglier da la citad da Turitg Andres Türler preschenta las emprimas tractativas cun la presidenta communala da la Bregaglia Anna Giacometti.
mad
cuntegn
Valladas talianas - Tractativas per nova concessiun han cumenzà anticipadamain
La concessiun per l’utilisaziun da la forza idraulica in Bregaglia vala anc enfin l’onn 2039. Schon ussa èn la vischnanca e l’EWZ dentant en discurs per ina nova concessiun e quai schon a partir dal 2025. Quai scrivan las ovras idraulicas da Turitg en ina communicaziun da pressa.
Emprims discurs han gì lieu ed Andres Türler, cusseglier da la citad Turitg, ha inoltrà la dumonda da concessiun uffiziala per la ovras electricas Bregaglia.
En il medem mument vegn era fatg in plan d’utilisaziun e protecziun. Part da las tractativas fan era las organisaziuns d’ambient e l’uniun da pestga.
Collavuraziun impurtanta per la Val Bregaglia
Per la Bregaglia saja la collavuraziun cun l’EWZ fitg impurtanta e perquai ch'in process da refar ina concessiun dovra ses temp èsi impurtant da cumenzar avunda baud, ha ditg la presidenta communala Anna Giacometti.
