Siglir tar il cuntegn

Valladas talianas «100% Valposchiavo» è nominà per in premi naziunal

Il project «100% Valposchiavo» è nominà per l'award SVSM en la categoria «projects locals». Quai ensemen cun la regiun da l'eroport da Turitg e la corporaziun da vischnancas LucernPlus.

Brusio en Val Puschlav
Legenda: Brusio en Val Puschlav. Keystone

Sco la giuria argumentescha saja «100% Valposchiavo» nominà, damai ch'il project saja en differents reguards remartgabel ed exemplaric per impurtants aspects en il management dal lieu. Quai communitgescha turissem Valposchiavo. Il project promovia products regiunals en il sectur turistic e da management.

Il SVSM (Schweizerische Vereinigung für Standortmanagement) è l'uniun tetgala per management dal lieu da la Svizra. Il premi vegn surdà ils 14 da settember e quai per la 11avla giada.

RR novitads 10:00