La destrucziun da las bovas dal Cengalo l'avust dal 2017 è stada immensa. Uschia era la solidaritad da la populaziun Svizra. 14 milliuns francs èn vegnids dads a la populaziun bregagliotta. Ussa, 20 mais pli tard èn arrivads 2,1 milliuns francs da quellas donaziuns en Val Bregaglia.
La valitaziun po durar onns, surtut sch'ils cas èn cumplexs.
Però, che «be» 2,1 milliuns francs èn arrivads fin al di dad oz en Val Bregaglia ha in motiv – primo han ils circa 150 abitants da Bondo, Sottoponte e Spino survegnì raps da lur segiranzas, il chantun e la Confederaziun han era investì var 10 milliuns francs e la vischnanca ha er investì entant var 15 milliuns francs – e la fasa da reconstrucziun cumenza pir. Per quellas lavurs dovra la vischnanca era anc var 30 milliuns francs. Perquai èn ils responsabels cuntents da savair che la bursa da las donaziuns n'è betg anc vida.
Jau sun cuntenta, che nus pudain anc dumandar raps a la cumissiun da donaziun per la reconstrucziun da Bondo, Sottoponte e Spino.
TR Telesguard 17:40
