Siglir tar il cuntegn

Valladas talianas 2 blessads grev tar collisiun da töff e velo al Bernina

Al pass dal Bernina hai dà il venderdi ina collisiun frontala tranter in töff ed in velo. Omadus manischunz èn vegnids blessads grevamain.

persunas a la saiv directiva che guardan la spunda giuadora
Legenda: Il velocipedist è vegnì catapultà sur la saiv directiva ora, uschia ch'el è ruclà la spunda giuadora. mad/Pocha

Il motociclist charrava da Poschiavo en direcziun ospizi dal pass. Datiers dal spartavias per Livigno è el tenor las infurmaziuns da la polizia chantunala vegnì sin l'auter vial suenter ina manvera da franar. Là è el collidà cun il velocipedist.

Il velocipedist hai catapultà sur la saiv directiva, uschia ch'el è crudà radund 100 meters ina spunda giuadora. La REGA ha sgulà il velocipedist en l'ospital chantunal da Son Gagl ed il motociclist en l'ospital chantunal a Cuira.

RR novitads 15:00