Siglir tar il cuntegn

Header

video
2 km giudiment per passlungists a Livigno
Or da RTR dals 16.11.2015.
laschar ir. Durada: 1 minuta 56 Secundas.
cuntegn

Valladas talianas 2 km giudiment per passlungists a Livigno

La vischnanca da Livigno porscha dapi bun in mais ina loipa da radund 2 km lunghezza gist sper la vischnanca taliana. Realisà il traject han ils Livignascs entaifer paucas notgs in october cura che las temperaturas eran bassas avunda per producir naiv cun chanuns.

Investì en ennavada artifiziala

13 lantschas per far naiv fan part dal project che ha custi totalmain 350’000 euros. Tenor Luca Moretti, il president da la societad da turissem Livigno, in’investiziun che renda. La purschida attira passa 100 passlungists e passlungistas al di, tranter auter èn era pliras squadras naziunalas da passlung vegnidas a trenar sin la loipa da Livigno.

Memia chaud in Engiadina

In Engiadina n’exista dentant anc betg ina purschida per passlungists. Sco che Jachen Bass, il responsabel per l’uschenumnà “Masterplan loipas Engiadin’Ota” ha ditg ad RTR, na sajan las temperaturas actualas betg idealas per producir naiv cun chanuns.

audio
Saira: 2 km giudiment per passlungists a Livigno
ord Actualitad dals 16.11.2015.
laschar ir. Durada: 4 minutas 50 Secundas.

Las lantschas a Livigno hajan l’avantatg da pudair far naiv er gia cun 2 fin 3 grads sut nulla. Per il sistem cun ils chanuns vuli dentant enturn -5 grads. Sco che Luca Moretti ha tradì vul ins realisar a Livigno gia per ils 15 d'october 2016 ina loipa da 5 km lunghezza.

Artitgels legids il pli savens