Legenda:
Dario De Tann (sanester) e Rudi Cadisch.
RTR, Violanta Rominger
Dus dad els ch'eran da la partida gia tar la fundaziun èn Rudi Cadisch e Dario De Tann. Els sa regordan anc oz bain e fitg gugent vi da quel temp. In temp plain emoziuns gia quella giada. Els sajan stads ambiziuns, hockey n'era betg mo plausch, ins vuleva gudagnar e rivar vinavant. L’amicizia tranter ils giugaders era dentant adina numer 1. I valeva: In per in e tuts per tuts, raquintan Dario De Tann e Rudi Cadisch.
Cumià suenter 25 onns sco president
Legenda:
Arturo Engel (cun chapè) cun l'emprima squadra dal Hockey Bregaglia durant la visita da Marc Furrer, president da Swiss Ice Hockey.
mad
La festa era er in cumià d'Arturo Engel, ch'era 25 onns il president dal Hockey Bregaglia. Durant quest temp haja el ramassà bleras regurdientschas. Il cumià era per el collià cun bleras differentas emoziuns - in'accumulaziun da las emoziuns dals ultims 25 onns.
