La damaun hai dà in grev accident sin la via principala en la Bregaglia. Tar il tancadi City a Castasegna èn dus autos collidads, scriva la polizia chantunala.
Ina manischunza da 46 onns è vegnida blessada grevamain. La REGA ha sgulà la dunna en l'ospital chantunal a Cuira. En l'auter auto è in um da 47 onns sa blessà mezgrev. L'ambulanza ha transportà el en l'ospital a Samedan.
La via principala ha stuì vegnir serrada per in'ura. La polizia chantunala examinescha uss l’accident.