Siglir tar il cuntegn
Autos ruts ed auto da polizia en tunnel.
Legenda: La dumengia avantmezdi hai dà en il tunnel San Fedele ina collisiun frontala da la vart tranter dus autos. MAD, Polizia chantunala

Accident sin A13 tar Roveredo Quatter persunas blessadas tar collisiun

Accident sin l'autostrada A13 da manaivel da Roveredo. Oz avantmezdi è in auto che charrava en direcziun sid vegnì en il tunnel da San Fedele sin il vial oppost ed è collidà là cun in auto che vegniva encunter. Tar la colissiun è ina persuna vegnida blessada mezgrev e 3 lev. Tut las quatter persunas hajan pudì sortir sez dals autos e sajan silsuenter vegnids transportads dad ambulanzas en ils ospitals da Bellinzona e Lugano. Quai scriva la Polizia chantunala.

Il traffic ha stuì vegnir svià durant 3 uras e mesa sin la via principala.

RTR novitad 17:00

Artitgels legids il pli savens