Radund 20 schuldads sajan en acziun per sustegnair las forzas civilas da chattar e stizzar ils cuaditschs en ils guauds sur Soazza e Mesocco. Quai communitgescha il Departament federal da defensiun. Ils schuldads sa gidan era cun vehichels cun cameras da termica.
Situaziun sa calmada
Entant saja la situaziun en ils territoris da fieu sa calmada considerablamain scriva l'armada. Oz era sulet anc in helicopter en acziun.
RR novitads 17:00