Siglir tar il cuntegn

Header

cuntegn

Valladas talianas Agid per Bondo

Trais milliuns francs stattan per immediat a disposiziun per l’agid finanzial a Bondo. Quai senza che la Chadaina da Fortuna avess instradà in conto per la Bregaglia.

La Chadaina da Fortuna ha trais pitgas d’agid :

  • En cas fitg urgents per persunas privatas en situaziuns extremas
  • Tar custs restants che na vegnan betg purtads da las assicuranzas.
  • E lura pon era vischnancas che n’èn betg en ina situaziun finanziala agreabla dumandar sustegn.

La Caritas Grischuna reparta ils daners da la Chadaina da Fortuna

audio
Bunura: Bondo – Ladina Heimgartner da la Chadaina da fortuna
ord Actualitad dals 28.08.2017.
laschar ir. Durada: 4 minutas 9 Secundas.

La Chadaina da Fortuna collavura cun partenaris. En Svizra èn quai la Caritas e la Crusch Cotschna. En il Grischun e la partenaria da la Chadaina da Fortuna la Caritas dal Grischun. Là pon ils pertutgads annunziar lur basegns.

Sco la presidenta da la Chadaina da Fortuna, Ladina Heimgartner, ha ditg, saja questa instituziun fitg impurtanta per l’agid en l’agen pajais. La generusadad da la populaziun saja adina fitg gronda cun pertutgads en l’agen pajais.

Trais milliuns francs èn pronts per Bondo

En ils 70 onns ch’i dat la Chadaina da Fortuna ha questa rimnà donaziuns da totalmain 209 milliuns francs per unfrendas da catastrofas da la natira en Svizra. Ils daners che na vegnan betg duvrads restan en in fonds per autras catastrofas en Svizra. Uschia ha la chadaina da fortuna il mument a disposiziun trais milliuns francs per l’agid en Val Bregaglia.

RR actualitad 07:00

Artitgels legids il pli savens