Siglir tar il cuntegn

Header

Balantscha veglia.
Legenda: La durada dal chasti dal assassin da Zalende na vegn betg reducì enavant, quai ha decidì l'instanza la pli auta taliana a Roma. Keystone
cuntegn

Assassin da Zalende Nagina ulteriura reducziun dal chasti

La Curt da Cassaziun da Roma, l'instanza la pli auta en Italia, ha refusà in recurs da l'assassin, sentenzià a 30 onns praschun. Cun quai na datti nagina ulteriura reducziun dal chasti per l'um da la Moldavia.

Ils 27 da november 2018 aveva la Curt da Cassaziun a Milaun decidì da nov davart la brutalitad dal murdraretsch dubel en la Val Puschlav. Ils derschaders han sin quai annullà il chasti da «vita duranta» e remplazzà el cun ina condemnaziun da 30 onns.

L'um da la Moldavia ha sin quai fatg recurs tar la Curt da Cassaziun da Roma e vuleva cuntanscher in'ulteriura reducziun. Quai han ils derschaders ier refusà, sco RSI rapporta.

L'um da la Moldavia aveva mazzà avant nov onns conjugals puschlavins a Zalende sper Brusio. Ensemen cun el era er vegnì condemnà in um da la Vuclina per avair dà l’incumbensa dal murdraretsch. Quel era vegnì sentenzià a 21 onns praschun ed ha survegnì dus ulteriurs onns suenter il recurs a Milaun, damai 23 onns.

RR novitads 17:00