Siglir tar il cuntegn

Header

cuntegn

Valladas talianas Assistenza al suicidi en il Mesauc

La deputada Nicoletta Noi-Togni tema ch'adina dapli persunas talianas vegnan en il Grischun per sa laschar accumpagnar a la mort. Suenter ch'igl ha dà l'october in cas d'assistenza al suicidi a San Vittore, ha ella ussa fatg in'interpellaziun a la regenza grischuna.

Ils abitants da San Vittore fetschian quitads, di Nicoletta Noi-Togni ch'è deputada en il Cussegl grond ed a partir dal schaner 2017 presidenta communala. Ch'i dettia adina dapli Talians che fetschian diever da l'assistenza al suicidi en il Tessin saja enconuschent. Cunquai che las autoritads tessinaisas sajan vegnidas pli attentas, tema ella ussa che las organisaziuns porschian adina dapli assistenzas al suicidi en il Grischun.

Tge far?

Sco futura presidenta communala da San Vittore veglia ella savair tge ch'ella haja da far en cas d'ina assistenza al suicidi, argumentescha Nicoletta Noi-Togni. Perquai haja ella formulà pliras dumondas en sia interpellaziun a la regenza grischuna.

audio
Saira: Assistenza al suicidi – era ina realitad en il Grischun
ord Actualitad dals 08.12.2016.
laschar ir. Durada: 3 minutas 7 Secundas.

Cas a San Vittore

La politicra da 76 onns è vegnida a savair per cas da l'assistenza al suicidi a San Vittore. In um talian haja prendì a tschains in'abitaziun en l'aclaun da Monticello per sa laschar accumpagnar a la mort.

La Procura publica dal Grischun ha confermà quai sin dumonda dad RTR. La polizia haja infurmà la procura publica, ch'è actualmain vi da sclerir il cas. Quai na saja dentant nagut extraordinari, mabain il proceder normal.

RR actualitad 17.00

Artitgels legids il pli savens