Siglir tar il cuntegn

Header

cuntegn

Bregaglia Avertura da «i bargaiot» a Stampa

Il nov lieu d’infurmaziun a Stampa duai attrair tant giasts sco er indigens.

Malgrà las numerusas infurmaziuns ch’ins chatta ozendi en la rait, tschertga la glieud adina puspè er infurmaziuns pli concretas da la regiun, cura ch’ella è arrivada al lieu da destinaziun. Il nov InfoPoint en vischinanza da la Ciäsa Granda a Stampa duai uss cumplettar quest manco.

Sut il motto «Tgi vegn? Tgi va e tgi stat?» preschenta il nov InfoPoint oravant tut persunalitads indigenas da l’art, architectura, economia, mastergn, dretg, agricultura, politica, furmaziun, administraziun, sport ed alpinissem. Las biografias da las persunalitads vegnan preschentadas en furma da film.

Gestiun da tut onn

La nova spierta en la Val Bergiaglia è accessibla durant 365 dis e quai mintgadi da las 08:00 a las 20:00. Il center funcziuna tenor ils iniziants da «InfoPoint – Die Bergeller – i Bargaiot» er senza persunal. Purtader da l'InfoPoint è la societad Die Bergeller – i Bargaiot da Stampa.

audio
Per tadlar curt e cumpact
ord Novitads dals 05.10.2019.
laschar ir. Durada: 57 Secundas.

RR novitads 06:00

Artitgels legids il pli savens