Siglir tar il cuntegn

Header

Purtret da lavurers vid montar cabels.
Legenda: MAD, EWZ
cuntegn

Bregaglia Cumenzà construcziun da l'emprim implant solar autalpin

En la Bregaglia han cumenzà oz las lavurs per l’emprim implant solar autalpin. Responsablas per il project èn las ovras electricas da Turitg EWZ. L’implant che vegn construì sin il mir da fermada Albigna consista or da passa 1’200 moduls da fotovoltaica. Quels duain producir fin a 500 uras megawatt forza electrica ad onn. L’ovra duai ir en funcziun mez settember.

Oz vegnian montads ils emprims chanals, nua che passa 6 kilometers cabels duain suenter ir tras. Las proximas emnas vegnan montadas las construcziuns sin las qualas ils moduls da solar vegnan lura montads. Quai sin radund 670 meters lunghezza.

Segirezza da provediment durant l'enviern

Cun ils 1'200 moduls po vegnir producida ina prestaziun da radund 500 megawatt uras ad onn. Quai correspunda a l'electricitad da 210 perchasas turitgais. Cumpareglià cun ils implants en la Bassa, possian ils implants autalpins porscher meglras valitas. Raschun saja l'irradiaziun dal sulegl intensiva en questas autezzas, sco er la naiv che reflecteschia. Plinavant vegnian ils moduls pli effizients sche las temperaturas sajan pli bassas.

video
Novitads
Or da Telesguard dals 23.06.2020.
laschar ir

RTR novitads 14:00