Siglir tar il cuntegn

Header

Navigaziun

vallada en muntogna, davant intginas plantas
Legenda: Datiers da l'Alp di Cadin è l'um vegnì chattà mort. MAD
cuntegn

Bregaglia e Mesauc Dus accidents mortals en muntogna

Datiers da Roveredo (Mesauc) è in viandant da 66 onns cupitgà d'ina spunda giuador e sin la Fiamma (culm en Bregaglia) è sa distgatgà in grip che ha bittà ina Tudestga da 30 onns en la profunditad. Omaduas persunas èn mortas.

Roveredo: Viandant cupitgà

L'um da 66 onns era la sonda suentermezdi sin in'excursiun en il territori dal Monte Laura. Suenter ch'el n'è betg s'annunzià, ha sia dunna alarmà la polizia. L'um è vegnì chattà la saira mort en la vischinanza da la Alp di Cadin. Sin fundament da la situaziun avant lieu suppona la polizia che l'um saja crudà radund 80 meters d'ina spunda taissa giuador.

Bregaglia: Alpinista croda a mort

In dunna da 30 onns ed in um da 36 onns, omadus da la Germania, han vulì ascender la sonda la Fiamma. Tenor emprims resultats è sa distatgà sin in'autezza da 2'400 meters in toc grip sin il qual la dunna steva. L'um è vegnì sdrimà dal grip, la dunna è crudada passa 100 meters en la profunditad. Ella han ins pudì salvar be pli morta. L'um è blessà levamain.

En omadus cas sclerescha la polizia chantunala e la procura publica las circumstanzas dals accidents.

RR novitads 15:00