Cun il project Bondo II duain las fracziuns da Bondo, Promontogno, Spino e Sottoponte vegnir protegidas en avegnir meglier dad ulteriuras bovas ed inundaziuns.
En il center stattan:
- la construcziun da mirs da protecziun e batschigls da tschiffada per ils flums Maira e Bondasca
- dad auzar las vias communalas e la via chantunala
- da fabritgar trais novas punts
L'entir project custa 42 milliuns francs. La Bregaglia surpiglia tranter 11,9 e 13,3 milliuns francs, il rest surpiglian il chantun e la Confederaziun.
Previs èsi, da cumenzar cun las lavurs l'atun 2021. Fin l'onn 2025 duessan lura tut ils projects esser a fin.
Anfang Bildergalerie
Bildergalerie überspringen
-
Bild 1 von 4. La nova colliaziun tranter Bondo e Promontogno – il ponte Punt. Bildquelle: MAD.
-
Bild 2 von 4. La via chantunala vegn auzada per plirs meters, sco la visualisaziun da la punt sur la Bondasca mussa. Bildquelle: MAD.
-
Bild 3 von 4. Cun in mir duai la fracziun Spino vegnir protegida en avegnir dad ulteriuras bovas ed inundaziuns. Bildquelle: MAD.
-
Bild 4 von 4. La segirezza dal traffic duai vegnir augmentada a Bondo cun ina rundella, nua ch'era la fermativa da bus vegn integrada da nov. Bildquelle: MAD.
Ende der Bildergalerie
Zurück zum Anfang der Bildergalerie.
Las bovas dal 2017
L'avust 2017 han pliras crudadas da crappa al Piz Cengalo en la Val Bondasca chaschunà tras grondas bovas per donns massivs a Bondo, Promontogno, Spino e Sottoponte. La situaziun al Piz Cengalo è anc adina malsegira ed in'ulteriura crudada da crappa pudess chaschunar ulteriuras bovas.