Mesemna saira ha il suveran da Bregaglia approvà ils dus contracts necessaris. Tar omaduas decisiuns hai dentant dà bleras abstenziuns. Sut protecziun pli a lunga vista vegnan uschia il reservat da guaud natiral Ganda Rossa, Bondasca e dus reservats da guaud spezials Ciresc e Lera d'Zura.
Era ha la vischnanca vendì in terren da 1'705 m2 en la zona d'industria a Vicosoprano e quai a la panetteria-pasticceria Gonzalez SA.
Pe da taglia resta
Igl è era vegnì decidì ch’il pe da taglia resta per l'onn 2019 tar 90% sco enfin ussa. Plinavant han ils votants e las votantas da Bregaglia approvà il preventiv 2019 che quinta cun in surpli da bunamain 600'000 francs.
RR novitads 16:00