Siglir tar il cuntegn

Valladas talianas Brusio: automobilist ha tschiffà in um ed è fugì

A Brusio è in um vegnì tschiffà d'in auto glindesdi damaun. Tenor la polizia chantunala è l'automobilist fugì senza fermar.

Auto dal accident.
Legenda: L'automobilist ha tschiffà l'um da 71 onns cun l'auto. MAD

In automobilist da 24 onns charrava da Brusio en direcziun Poschiavo. Curt avant Miralago ha il giuven survesì in um da 71 onns ed l'ha uschia tschiffà cun l'auto. Senza da s'occupar da l'um blessà ha l'automobilist cuntinuà ses viadi.

Arrivà a chasa ha el da l'incumbensa a ses bab dad alarmar la polizia chantunala. Las forzas da salvament han lura salvà l'um e transportà el en l'ospital a Poschiavo. La polizia controlleschan il sang e l'urin da l'automobilist ed examinescha l'andament da l'accident.

RR novitads 18:00