Legenda:
La notg dals 4 als 5 d'avrigl 2019 è crappa d'in volumen da var 3 meters cubics ida a val. La massa da grip lucca ha in volumen total da circa 1'000 fin 1'500 meters cubics.
MAD, chantun grischun, Uffizi federal da topografia
cuntegn
Brusio - Project cunter privels da la natira è approvà
La regenza grischuna ha approvà il project «Sistem da preavertiment serenera da Brusio» da la vischnanca da Brusio. Plinavant ha ella concedì ina contribuziun chantunala da maximalmain 75’200 francs per realisar il project.
Il sistem da preavertiment è ina mesira per reducir la situaziun da privel. L’avrigl era numnadamain crappa d’in volumen da radund trais meters cubic ida a val davos la serenera da Brusio. Silsuenter ha la vischnanca constatà ch'i ha là ina massa da grip fitg lucca. Cunquai che singuls blocs u che l'entira massa pudess rumper davent, ha la vischnanca installà plirs apparats da mesiraziun.
La regenza chantunala ha approvà il project «Sistem da preavertiment serenera da Brusio». Uschia vegnan ils apparats da mesiraziun installads per lunga durada, fin ch'ins ha pudì chattar e realisar ina soluziun definitiva.
