Siglir tar il cuntegn

Header

cuntegn

Cavaglia Crowdfunding per via da chavorgia

En occasiun dal 20avel giubileum duai la Chavorgia Cavaglia vegnir accessibla per mintgin. Il concept da quella via tras la chavorgia en la Val Puschlav, deriva dal construider da punts grischun Jürg Conzett. Quel prevesa da traversar la chavorgia cun ina punt e da cuntinuar la via en il grip en furma da 100 stgalims sin ina lunghezza da bun 180 meters. Cun la nova via vegnissan accessibels 10 mulins da glatscher e 10 foras da turnigls (Strudeltöpfe).

80’000 francs mancan anc

Il project custa 1 milliun francs. Fin oz haja il «Curtin da glatschers Cavaglia» ramassà donaziuns per passa 80% da l’import total. Per cuntanscher anc il rest da quel, ha la societad lantschà in’acziun da crowdfunding. Quella dura anc fin la fin d’avrigl 2020. Sche l’acziun gartegia, èsi la finamira da cumenzar cun las lavurs gia il matg da quest onn. Uschia fiss l’avertura da la nova via sur la Chavorgia da Cavaglia la primavaira dal 2021.

RTR novitads 06:00