Valladas talianas - Chattà alpinist mort tar Roveredo
En la vischinanza da Roveredo, en la Val Roggiasca, è mort in alpinist. La sonda saira aveva sia famiglia annunzià a la polizia che l'um da 45 onns na saja anc betg turnà d'ina tura a Roveredo.
Bainbaud è vegnì chattà l'auto dal sparì ed en la vischinanza da lez han ils policists chattà l'um. Sin fundament da la situaziun suppona la polizia che l'um è glischnà ora sin la senda da viandar a crudà radund 200 meters giuadora.
