Fernando Giovanoli da Soglio ha annunzià ch'el veglia candidar per la successiun dad Anna Giacometti. Quai ha el ditg sin dumonda da RTR.
L'architect che sa preschenta sco candidat independent è cunquai il segund candidat che vul far la cursa.
Fin uss datti dus candidats
Ier aveva gia Marco Giacometti communitgà ch'el candideschia. Il settember passà aveva el pers il cumbat electoral encunter sia sora.
La fin da mars ha Anna Giacometti decis da terminar la lavur sco presidenta communala e da sa concentrar sin ses nov uffizi sco cussegliera naziunala da la PLD.
Candidaturas pon ins anc inoltrar fin ils 8 da matg. L'elecziun è ils 7 da zercladur 2020.