Siglir tar il cuntegn
Inhalt

Valladas talianas Conferma per Anna Giacometti al timun dal Comune di Bregaglia

Il suveran da la Val Bregaglia ha confermà la presidenta communala cun 303 vuschs per in’ulteriura perioda d’uffizi da quatter onns. Giacometti era la suletta persuna d’eleger. 92 vuschs èn idas a singuls.

La presidenta communala da la Bregaglia Anna Giacometti.
Legenda: La presidenta communala da la Bregaglia Anna Giacometti. RTR, F. Belotti

Plinavant han ils votants da la Val Bregaglia approvà la nova lescha davart la taxa da cura e la contribuziun per promoziun dal turissem cun 366 cunter 59 vuschs. Tenor la nova lescha datti uss per hotels, restaurants possessurs d’abitaziuns da vacanzas, manaschis purils la pussaivladad da sa deliberar da l’obligaziun da pajar taxa da promoziun da turissem. Quai retro-activ sin il prim da schaner 2015.

Quest midament da lescha duai gidar las interpresas che sa chattan en in temp economic fitg difficil, scriva la suprastanza communala da Bregaglia en la missiva.

RR novitads 12:00