Siglir tar il cuntegn

Header

fabrica cun saiv
Legenda: Inforlife è en las localitads da la Dobfar a Campascio en la Val Puschlav. RTR, Anna Caprez
cuntegn

Corona ed economia Firma puschlavina fa satgets d'infusiun ed antibiotica di e notg

La fatschenta Inforlife en il Puschlav producescha surtut medischina en pachets da plastic, quai per gronda part per il martgà american. Tranter 15 e 20 milliuns satgets d’infusiun bandunan la fabrica al cunfin cun l’Italia. Ussa che la dumonda dad antibiotica è creschida sin l'entir mund, ha l’interpresa er augmentà sia producziun.

24 sin 7

Las radund 300 dunnas che lavuran en la fabrica a Campascio lavuran actualmain en in turnus da trais squadras. Las emploiadas vivan en la Vuclina. Per ch'ellas possian passar il cunfin er la notg cura che quel è normalmain serrà tranter las 20:00 e las 5:00, ha l’interpresa ina cunvegna cun il chantun.

La producziun sterila funcziuneschia per entant fitg bain e vegnia controllada minuziusamain, uschia il directur general Sergio Dushi envers RSI. Entant che tut la rauba possia vegnir furnida da l’exteriur per producir ils satgets e l’antibiotica a Campascio, restia Inforlife en funcziun. Cura che la furniziun n’è betg pli pussibla, na possian els era betg pli garantir ina producziun cumpletta.

Artitgels legids il pli savens

Scrollar a sanestra Scrollar a dretga