Il president da la regenza grischuna Christian Rathgeb ed il schef dal stab directiv chantunal Martin Bühler èn sa scuntrads oz a Roveredo cun il president da la regiun Moesa Christian De Tann ed ulteriurs represchentants da la regiun.
Rathgeb ha garantì a la regiun Moesa sustegn en la crisa actuala. Er sajan els averts per il dialog. Quai è il resultat d'ina maisa radunda a Roveredo. Là han ins discutà cun represchentants locals da la politica e l'economia davart la situaziun actuala.
Tranter auter han ins decis dad intensivar la communicaziun communabla e la valitaziun da la situaziun, surtut sche la Confederaziun u il chantun Tessin adatteschan las mesiras.