Sin l'ordinaziun dal chantun spostan l'Ospital da l'Engiadin'Ota a Samedan, la Klinik Gut a San Murezzan, il Center da Sanadad Scuol ed il Centro Sanitario Valposchiavo tuttas operaziuns che n'èn betg urgentas. La purschida tar accidents è dentant vinavant garantida tar tut ils sis ospitals en il sid dal Grischun.
Fin uss hajan tut ils ospitals (Samedan, Scuol, San Murezzan, Poschiavo, Müstair e Bregaglia) avunda capacitads per tgirar persunas che vegnan grev malsaunas dal coronavirus. En in emprim pass vegnan quels pazients u a Samedan u a Scuol. Tar cas pli flaivels vegnan las persunas hospitalisadas a Poschiavo, Müstair u en la Bregaglia, fertant che la Klinik Gut metta a disposiziun persunal spezialisà e material medicinal. Tut tenor situaziun stoppian ins adattar questas mesiras.
Ina rolla fitg impurtanta giogan ils medis da chasa. Els enconuschan e tgiran pazients ch'èn s'infectads e na dovran dentant nagina ospitalisaziun. Els collavuran a moda stretga cun ils ospitals.