Siglir tar il cuntegn

Header

video
Bilantscha dals incendis da guaud en Val Mesauc e Val Calanca
Or da Telesguard dals 30.01.2017.
laschar ir. Durada: 1 minuta 42 Secundas.
cuntegn

Valladas talianas Cumbat cunter las flommas en Val Mesauc e Val Calanca

Il chantun Grischun fa ina bilantscha positiva da l'engaschi per stizzar ils incendis da guaud en la Val Mesauc e la Val Calanca la fin da l'onn passà.

Dals 27 da december 2016 fin ils 12 da schaner 2017 han cumbattì mintga di fin a 100 forzas d'acziun cunter ils incendis da guaud en la Val Mesauc ed en la Val Calanca. Ellas èn vegnidas sustegnidas da helicopters da stizzar dal militar e civils.

audio
Saira: Bilantscha incendis da guaud en Val Mesauc e Val Calanca
ord Actualitad dals 30.01.2017.
laschar ir. Durada: 2 minutas.

Negligientscha è in motiv probabel per ils incendis da guaud. Sclerì na saja il motiv da l'incendi però anc betg, ha ditg il cusseglier guvernativ Christian Rathgeb. La collavuraziun tranter las vischnancas pertutgadas, la polizia, ils pumpiers, l'uffizi forestal, la protecziun civila e l'armada saja stada fitg positiva. Per l'armada è l'acziun en la Val Mesauc stada la pli gronda acziun da stizzar fieu dapi 20 onns.

Ils fieus eran rut ora ils 27 ed ils 28 da december 2016. En tut han els destruì passa 100 hectaras guaud da protecziun. Persunas n'èn betg vegnidas blessadas.

RR novitadas 11:00

Artitgels legids il pli savens