Damain privels da l'autra vart da la Calancasca

La regenza grischuna ha approvà il spustament da la via da Calanca pervia dal privel da crudada da crappa. Il project prevesa da spustar la via da l'autra vart dal flum Calancasca.

Paraid da crappa ed il flum. Bild in Lightbox öffnen.

Legenda da maletgs: Per minimar il privel vegn la via spustada da l'autra vart da la Calancasca. MAD

Spustada vegn la via sin l'autezza da Selma. Là passa la via chantunala directamain per lung d'ina paraid-crap – uschia exista in fitg grond privel da crudada da crappa. Crappa che croda u ch'è crudada sin il vial periclitescha considerablamain ils participants dal traffic e chaschuna gronds custs da mantegniment.

Per minimar il privel vegn la via da Calanca spustada da l'autra vart da la Calancasca. Gist suenter la zona da privel vegn la Calancasca traversada anc ina giada, e cun ina storta a dretga vegn collià il nov traject cun la via existenta. Per quai ston vegnir construidas duas punts. Ils custs per questa midada sin in tschancun da 430 meters èn calculads cun 11,18 milliuns francs.

RR novitads 10:00