Siglir tar il cuntegn
Inhalt

Valladas talianas Decisiun per Centro Tecnologico del Legno a Poschiavo

Cun la finamira da rinforzar il Grischun sco lieu da scolaziun e da promover l'export da furmaziun ha la regenza garantì al Centro Tecnologico del Legno (CTL) a Poschiavo ina contribuziun da totalmain 500'000 francs per installar e per sviluppar vinavant il center da cumpetenza per laina.

Bajetg.
Legenda: Il lieu da scolaziun dal nov Centro Tecnologico del Legno a Poschiavo. RTR, A. Caprez

La regenza saja pronta da sustegnair il center cun la premissa - che la finanziaziun totala saja reglada. Ella tegnia quint a la situaziun economica. Ultra da quai saja la regenza conscienta ch'il Centro Tecnologico del Legno saja impurtant per la regiun.

Il december 2013 eran vegnids garantids al CTL – cun resalva d'ina finanziaziun totala reglada – per installar il center da cumpetenza per laina a Puschlav in emprest or dals meds finanzials da la nova politica regiunala da la confederaziun dad 1,5 milliuns francs, ina contribuziun chantunala obligatorica tar l'emprest da 434'070 francs sco er ina contribuziun chantunala per il svilup dal lieu da 150'000 francs.

RR novitads 16:00