Siglir tar il cuntegn

Header

cuntegn

En il nord da la val Uffizi da chatscha conferma in urs en Val Puschlav

Glindesdi suentermezdi ha ina viandanta vesì datiers da l'aclaun Sfazù in pitschen urs. Il video ch'ella ha fatg ha ella dà vinavant a la gasetta online «Il Bernina». Il manader da l'Uffizi chantunal da chatscha Adrian Arquint conferma sin dumonda da RTR ch'i sa chattia in urs en quella regiun. Danunder che quest urs derivia, na saja betg cler.

L'Uffizi da chatscha emprova da tegnair en egl l'urs. Vinavant hajan ins infurmà ils purs, apiculturs e las vischnancas en ils conturns.

Mintg'onn vegnan vesids en il Grischun intgins urs ch'èn da viadi.

RTR novitads 17:00