Siglir tar il cuntegn

Header

cuntegn

Valladas talianas Fusiun da Grono, Leggia e Verdabbio po ir en vigur

Il Cussegl grond ha ditg gea a la fusiun da las trais vischnancas dal Mesauc.

Ils deputads dal Cussegl grond han dà unanimamain il consentiment a la nova vischnanca da Grono. Ella duai ir en vigur l’entschatta dal 2017 e vegn sustegnida dal chantun cun 5,4 milliuns francs. La nova vischnanca ha ina surfatscha da 3'709 hectaras e radund 1'300 abitantas ed abitants.

Impuls da fusiunar aveva Verdabbio dà

La primavaira 2009 aveva la vischnanca da Verdabbio dà l'impuls per fusiunar. Il cussegl communal aveva scrit a la Regione Mesolcina da preschentar scenaris pussaivels per ina fusiun da vischnancas da la Moesa. I aveva dà differentas variantas da fusiuns pli grondas e da fusiuns cun mo paucas vischnancas. Il Cussegl communal da Grono e las suprastanzas communalas da Leggia e Verdabbio eran sa decidì l'onn passà da realisar il project pli pitschen. L'atun 2015 avevan tuttas trais vischnancas approvà il contract da fusiun.

RR novitads 15:00

Artitgels legids il pli savens