Valladas talianas - Grischun e Lombardia collavuran pli stretg
La collavuraziun tranter il Grischun e l'Italia va en ina proxima fasa. A Tirano han represchentants dal Grischun, da la regiun Lombardia e da la provinza da Sondrio suttascrit ina decleraziun d’intenziun.
Avant quest pass han ins dentant gia realisà plirs projects. Uschia per exempel ina colliaziun da tact tranter Milaun e Tiraun, in servetsch cun l’auto da posta da San Murezzan a Chiavenna u era in bus che circulescha tranter Tiraun e Livigno. Grazia a questa purschida vulan ins reducir il traffic da transit tras la Valposchiavo.
audio
Mezdi: Decleraziun d'intensiun GR-I
01:14 min, ord Actualitad dals 16.03.2017.
laschar ir. Durada: 1 minuta 14 Secundas.
audio
Collavuraziun effizienta sur cunfin
02:45 min, ord Novitads dals 16.03.2017.
laschar ir. Durada: 2 minutas 45 Secundas.
Realisà en in aut tempo
Sco quai ch’il cusseglier guvernativ Mario Cavielli ha suttastritgà hajan ins pudì realisar plirs projects fitg svelt e quai senza avair suttascrit in palpiri. Ussa, suenter ch’ils represchentants han firmà l’intent, vulan ins cuntinuar ed intensivar la collavuraziun existenta tranter la Svizra e l’Italia. Quai en plirs secturs, ma en emprima lingia areguard il traffic public inclusiv sia cumponenta turistica.
1 / 5
Legenda:
In act simbolic che suttastritga projects ch'ins ha gia lantschà.
RTR, Anna Caprez
2 / 5
Legenda:
I vul pliras suttascripziuns per la cunvegna tranter la Svizra e l'Italia.
RTR, Anna Caprez
3 / 5
Legenda:
Ina firma da grond'impurtanza.
RTR, Anna Caprez
4 / 5
Legenda:
Il cusseglier guvernativ Mario Cavigelli è cuntent cun ils emprims resultats da la collavuraziun sur cunfin.
RTR, Anna Caprez
5 / 5
Legenda:
Guardar sur ils cunfins ed intensivar la collavuraziun tranter il Grischun e parts da l'Italia grazia al project communabel Intesa.
Keystone
