Siglir tar il cuntegn
Inhalt

Valladas talianas Grond agid da rumir per Bondo

Radund 270 commembers da la protecziun civila dal chantun Turgovia èn en acziun dapi ier fin ils 15 da december a Bondo per gidar a rumir material da las bovas ch'èn vegnidas a val la fin d'avust.

Bondo.
Legenda: I dat anc bler da far a Bondo. RTR, Anna Caprez

Anc adina bler da rumir e metter en urden

Ils 23 d'avust 2017 èn crudads giu radund quatter milliuns m³ crappa sur Bondo / Val Bregaglia e silsuenter è ina bova ida a val. Ils abitants han stuì bandunar lur chasas ed abitaziuns. Entant han els pudì turnar a chasa. I dat dentant anc adina bler da rumir e da metter en urden.

Turgovia porscha agid

Dapi la disgrazia è il servetsch da protecziun civila dal Grischun en acziun. La fin d'october ha el dentant stuì vegnir distgargiads. Il Grischun ha dumandà il chantun Turgovia per agid e quel ha dà suatientscha. Var 270 commembers da la protecziun civila gidan fin ils 15 da december a gidar da rumir. Ils custs da 25'000 francs vegn il chantun Turgovia a surpigliar.

RR novitads 06.00