Valladas talianas - Grono survegn colliaziun parziala cun autostrada A13
Il Cussegl federal ha approvà il project general per ina colliaziun parziala sin l'autostrada A13 sper Grono en il Mesauc. Quella duai distgargiar il coc dal vitg da Grono, augmentar la segirtad ed er distgargiar l'ambient.
Il project prevesa in’entrada d’autostrada en direcziun nord-sid ed in’extrada en direcziun sid-nord. Ils custs da 100’000 francs van dal tutta fatg per grevezza da la confederaziun, uschia il Cussegl federal.
Cun il project duai la via chantunala vegnir distgargiada. En il coc dal vitg è quella stretga e dumogna strusch il passagi da tuts vehichels.
